قصيدة بمناسبة عودة ولي العهد صاحب السمو الملكي الأمير/ محمد بن سلمان ، حفظه الله.


قصيدة بمناسبة عودة ولي العهد صاحب السمو الملكي الأمير/ محمد بن سلمان ، حفظه الله.



تبوك الحدث

يامرحـبا ترحـيـب ماله مـثالي
حنا فرشـنا الارض بقلوب واهداب
استبشري يادار برجـوع غالي
اللي لجل عينك وطا كل الاصعاب
خاض المصـاعب كلها مايبالي
فريـد عصـره مثله الوقت ماجاب
زيزوم لاعـدو زحـول الرجالي
له ماقعٍ يصـعب على كل طلاب
حرا تعلا فوق رووس المعالي
وحنا لبسـنا معه بالفـخر جلباب
لو هو يمر بقفر ممحل وخالي
تزهر بقـيعانه رياحـين واعشاب
مالك شبيه الا صدوق الخيالي
الجود من يمـناك يامير منساب
يامير قصرت عن وصوفك حبالي
سموك اكبر من تواصيف والقاب
محمد ولد سلمان والراس عالي
حتى العدا تنظر لك بعين الاعجاب
رؤيتك ماتوصـف بشعر ومقالي
تجاوزت افكار وعـقـول والـباب
فالبحـر الاحمـر صرح كنه خيالي
وفنيوم اعجازات وصروح واقطاب
طّـوعت كل المستحيل المحالي
سطّرت فالتاريـخ صفحات وابواب
صديقـكم يشـرب قــراحٍ زلالي
وعدوكم عـض الاصـابـع بالانـياب
اضـرب بـنا وتلقـا قروم العيالي
وحنا وراك دروع وسيوف وحراب
يحميك ربي من صدوف الليالي
ويـاسـيدي مليون مليون ترحاب

عبدالعزيز بن جميل البيرقدار – محافظة الوجه


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

*